Gras er okkar fag

Gunnarshólmi Grasavinafélag er fjölskyldufyrirtæki með yfir 30 ára reynslu af túnþökuræktun. Frá heimilisgörðum til golf- og íþróttavalla.

Fá tilboð Reikna hvað ég þarf Skoða þökurnar

Yfir 30 ára reynsla

Sérhæfing í túnþökuræktun

0,5 m² þökur

Handhægar 125 × 40 cm þökur

Allt að 30 m² á rúllu

Ein samfelld rúlla án nets

Afhending með kranabíl

Við komum vörunni nær lagningarstað

Vörurnar

Réttar þökur fyrir þitt verkefni

Við ræktum ekki bara eina tegund af grasþökum. Þökurnar okkar eru sérræktaðar eftir fyrirhugaðri notkun – frá heimilisgarðinum upp í golf- og íþróttavelli.

Vallarsveifgras + túnvingi

Garðagras

Sérvalin grasblanda fyrir fallega garða

Blanda af vallarsveifgrasi og túnvingi. Markmiðið er fallegt, þétt og endingargott yfirborð fyrir garða og snyrtileg grassvæði þar sem útlit grassins skiptir miklu máli.

Heimilisgarða
Lóðir við fjölbýlishús
Opin grassvæði
Umhverfi fyrirtækja og stofnana
Svæði þar sem útlit grassins skiptir máli

„Fallegt og þétt – fyrir garðinn sem á að dáast að.“

Fá tilboð

Ræktaðar á mold

Undirlagsþökur

Rakageymandi undirlag fyrir torfþök

Ræktaðar á mold og ætlaðar sem neðra lag undir úthagatorf á torfþökum. Moldin heldur vel raka og myndar gott undirlag fyrir úthagatorfið sem lagðir eru ofan á.

Neðra lag í torfþökum
Rakageymandi undirlag
Undir úthagatorf á þökum

„Rakageymandi grunnur undir torfþakinu.“

Fá tilboð

Náttúrulegt yfirbragð

Úthagatorf

Náttúrulegt yfirbragð fyrir opin svæði

Hentar þar sem markmiðið er að yfirborðið líti náttúrulega út og þurfi ekki reglulegan slátt eins og hefðbundinn garður. Sérstaklega hentugt þegar mannvirki eiga að falla inn í íslenskt landslag.

Við sumarbústaði
Meðfram göngustígum
Yfir rotþrær og lagnasvæði
Á röskuð svæði og fláa
Náttúrulegan frágang mannvirkja
Á torfþök

„Náttúrulegt yfirbragð – fyrir svæði þar sem grasið á að fá að vera hluti af landslaginu.“

Fá tilboð

Til hleðslu – ekki í rúllur

Hleðslutorf

Gamalt og sterkt torf til hleðslu

Sérstök vara. Við notum gamalt, sterkt torf sem er skorið mun þykkara en hefðbundnar grasþökur. Það er ætlað til hleðslu og mótunar – mikið notað við hleðslu bunkera á golfvöllum.

Torfveggi
Hlaðna kanta
Náttúrulegar torfhleðslur
Landslagsmótun
Bunkera á golfvöllum
Endurgerð og viðhald bunkerbrúna

„Torf sem er gert til að hlaða.“

Fá tilboð

Vallarsveifgras í aðalhlutverki

Vallargras

Fyrir íþróttavelli og mikið álag

Sérstaklega ræktað fyrir svæði þar sem álag er mikið. Vallarsveifgras er uppistaðan í blöndunni og getur breitt úr sér með jarðrengjum, sem hjálpar grassverðinum að þéttast og loka minni slitblettum.

Fótboltavelli með náttúrugrasi
Leikvanga
Æfingasvæði
Önnur grassvæði undir miklu álagi

„Gras sem þolir álagið – og þéttist aftur.“

Fá tilboð

Fyrir green á golfvöllum

Greengras

Sérhæfð ræktun fyrir golfgreen

Sérhæfð grasþaka ræktuð sérstaklega fyrir green á golfvöllum, þar sem gerðar eru miklar kröfur til þéttleika, jafnleika og gæða grassvarðarins. Ræktunarundirlag og grasval getur verið sérsniðið að verkefninu.

Ný golfgreen
Endurnýjun greena
Viðgerðir á skemmdum svæðum
Stækkun greena
Breytingar á golfvöllum

„Ræktað fyrir millimetrana sem skipta máli.“

Fá tilboð

Sérræktun fyrir brautir

Brautarblanda

Sérræktun fyrir brautir á golfvöllum

Sérræktað grasblönduð sérstaklega fyrir brautir á golfvöllum, þar sem gerðar eru hákröfur til slitþols, spilgetu og jafns frágangs. Ræktunarundirlag og grasval er sérsniðið að kröfum hvers vallar.

Nýjar brautir á golfvöllum
Endurnýjun brauta
Viðgerðir á slitnum svæðum
Stækkun brauta

„Ræktað fyrir brautirnar – þar sem spilgetan skiptir máli.“

Fá tilboð

Golfvellir · Íþróttavellir · Verktakar · Sveitarfélög · Fyrirtæki

Túnþökur fyrir fagfólk og stærri verkefni

Gunnarshólmi Grasavinafélag þjónustar golfvelli, íþróttafélög, sveitarfélög, verktaka og fyrirtæki um allt land.

Við ræktum mismunandi gerðir túnþakna fyrir ólíkar þarfir – allt frá almennum framkvæmdum og opnum svæðum yfir í sérhæfðar þökur fyrir golfvelli og íþróttavelli.

Fyrir stærri verkefni getum við útvegað mikið magn af túnþökum og boðið upp á stórar rúllur ásamt lagningu þegar það hentar verkefninu.

Hafðu samband við okkur með upplýsingar um verkefnið og við aðstoðum við val á réttri tegund, afhendingu og hagkvæmustu útfærslu.

Þökur eða stórar rúllur?

Stórar rúllur eru ekki sjálfkrafa betri þótt svæðið sé stórt.

Hefðbundnar túnþökur henta yfirleitt mjög vel og eru oft einfaldasti kosturinn, meðal annars vegna þess að auðvelt er að flytja þær um vinnusvæðið og leggja þær án sérstakra lagningartækja.

Stórar rúllur geta hins vegar hentað sérstaklega vel:

í miklum halla, þar sem stór samfelld graslengja getur verið kostur,
þegar viðeigandi vélar og tæki til lagningar eru þegar á framkvæmdasvæðinu,
eða þegar aðstæður verkefnisins kalla sérstaklega á stórar rúllur.

Einnig er hægt að skera stórar rúllur niður eftir þörfum.

Við aðstoðum við að velja þá aðferð sem hentar verkefninu best frekar en að gera ráð fyrir að ein lausn sé alltaf sú rétta.

Fá tilboð í stærra verkefni Hafa samband

Sérræktun

Rétt þaka fyrir rétt verkefni

Við ræktum ekki bara eina tegund af grasþökum fyrir öll verkefni. Þökurnar okkar eru sérræktaðar eftir fyrirhugaðri notkun. Við getum valið mismunandi grastegundir, grasblöndur, ræktunarundirlag og ræktunaraðferðir eftir því hvort þökurnar eiga að fara í heimilisgarð, á opið svæði, íþróttavöll, golfvöll, golfgreen, torfþak eða annað sérhæft verkefni.

Grastegundir

Grasblöndur

Ræktunarundirlag

Ræktunaraðferðir

Ræktunarundirlag

Mold

Þökur ræktaðar á mold henta vel fyrir almenna notkun og verkefni þar sem eiginleikar moldarinnar eru æskilegir. Moldin getur meðal annars haldið vel raka.

Sandblanda

Ræktun á sandblönduðu undirlagi hentar sérstaklega vel í sérhæfð verkefni þar sem grassvæðið verður undir miklu álagi – fótboltavelli, leikvanga, golfvelli og önnur sérhæfð grassvæði.

Sérstaða okkar

Rétta lausnin fyrir garðinn þar sem vélarnar komast ekki að

0,5 m² þökur – einfaldar í burði og lagningu. Þú tekur eina þöku í einu af brettinu og berð hana þangað sem leggja á hana. Það gerir 125 × 40 cm túnþökurnar að einni hentugustu leiðinni til að þökuleggja venjulegan heimilisgarð.

Margir framleiðendur leggja meiri áherslu á túnþökur í rúllum, en við höfum áfram lagt áherslu á að geta boðið viðskiptavinum handhægar, niðurskornar þökur.

0,5 m²

hver þaka

2 þökur

á hvern fermetra

Rótarkerfi grassins heldur þökunni saman

Allt að 30 m² í einni samfelldri þöku.

Engin net. Engin samsetning. Bara gras, rætur og jarðvegur.

Þökurúllurnar okkar koma sem ein samfelld þaka beint úr ræktuninni – ekki settar saman úr tveimur minni þökum og án styrkingarnets. Grasið og rótarkerfið sjálft halda þökunni saman.

Umhverfisþátturinn

Gras, rætur og jarðvegur – ekkert annað

Náttúruleg grasþaka án innbyggðs plasts

Ekkert plastnet er notað í þökurúllurnar okkar.

Ekkert net eftir í jörðinni

Þar sem netið er ekki til staðar verður það ekki eftir undir grassvæðinu eftir lagningu.

Rótarkerfið gerir verkið

Við látum rótarkerfi grassins halda þökunni saman – ekki plastnet.

Hjálpaðu mér að velja

Hvað ætlarðu að gera?

Veldu það sem passar við verkefnið þitt – og við leiðbeinum þér um rétta þöku.

Óviss? Segðu okkur frá verkefninu og við hjálpum þér að velja.

Torfþök

Náttúrulegt torfþak

Við notum tvær tegundir þaka saman í náttúrulegt torfþak – undirlagsþökur ræktaðar á mold sem rakageymandi undirlag, og úthagaþökur ofan á sem sýnilegt náttúrulegt yfirborð.

Þversnið torfþaksins

Frá yfirborðinu og niður.

Úthagaþökur

Sýnilegt náttúrulegt gróðurlag – lagðar ofan á.

Undirlagsþökur

Ræktaðar á mold – rakageymandi undirlag sem lagðar eru fyrst.

Þakuppbygging

Viðeigandi burðarþol, vatnsheldni, dren og rótavörn skv. hönnun mannvirkisins.

Bæði lögin eru í boði sem niðurskornar þökur og sem þökurúllur þegar það hentar verkefninu. Burðarþol, vatnsheldni, dren, rótavörn og önnur uppbygging þaksins þurfa að vera samkvæmt hönnun viðkomandi mannvirkis.

Fá tilboð í torfþak

Kranabíll hífir bretti með túnþökum inn í garð

Afhending með kranabíl

Við komum þökunum nær verkinu

Með eigin kranabíl getum við við réttar aðstæður híft brettin inn í garð eða torfið beint upp á þak. Kraninn kemur vörunni mun nær lagningarstað en hefðbundin afhending við götu.

Híft bretti yfir girðingar
Híft þökur inn í flesta garða
Komið vörunni mun nær lagningarstað
Híft þökur og torf upp á húsþök
Náð upp á allt að um þriggja hæða hús þegar aðstæður, fjarlægð og þyngd leyfa

Drægni kranans fer eftir þyngd, aðkomu og staðsetningu bílsins. Ertu óviss um hvort kraninn nái? Sendu okkur mynd af aðkomunni í fyrirspurninni og við metum möguleikana.

Skoða afhendingarmöguleika

Freshness

Nýskornar eftir pöntun

Við erum að jafnaði ekki með túnþökur tilbúnar á lager. Þær eru skornar eftir pöntunum svo viðskiptavinurinn fái þær eins nýskornar og kostur er. Þetta er sérstaklega mikilvægt yfir hlýjustu mánuðina þar sem hiti getur myndast í búntunum eftir skurð. Nýskornar þökur – skornar fyrir þitt verkefni.

Orð og uppruni

Torf eða túnþökur – hver er munurinn?

Orðin torf og túnþökur eru í dag oft notuð yfir sama eða sambærilegan hlut, en uppruni og merking orðanna er ekki alveg sú sama. Torf er gamalt og víðtækt íslenskt hugtak. Torf var skorið úr grónu landi og túnum og meðal annars notað við torfhúsagerð, á þök og til hleðslu. Það var því ekki endilega gras sem hafði verið ræktað sérstaklega til að flytja og mynda nýja grasflöt. Túnþökur lýsir betur þeirri ræktuðu vöru sem við framleiðum. Grasið er ræktað með fyrirhugaða notkun í huga og þegar það hefur náð réttum þroska er það skorið upp með rótarlaginu og flutt á nýjan stað. Hjá Gunnarshólma Grasavinafélagi notum við því orðið túnþökur yfir ræktuðu vöruna okkar. Það þýðir þó ekki að rangt sé að tala um torf eða grastorf. Í daglegu máli eru þessi orð oft notuð yfir sömu eða sambærilegar vörur. Mismunandi grastegundir og grasblöndur eru ræktaðar eftir því hvaða eiginleika og notkun óskað er eftir.

Uppruni og reynsla

Ræktað á Syðri-Sýrlæk í Flóa í yfir 30 ár

Túnþökur hafa verið ræktaðar á Syðri-Sýrlæk í Flóa í um þrjá áratugi. Jörðin hentar einstaklega vel til túnþökuræktunar og þar hefur byggst upp mikil reynsla af ræktun og meðhöndlun túnþakna. Túnþökurnar eru ræktaðar sérstaklega til upptöku og mismunandi grastegundir og blöndur eru notaðar eftir fyrirhugaðri notkun.

Reiknivél

Hversu stórt er svæðið?

Sláðu inn lengd og breidd og við reiknum fermetrana fyrir þig.

Svæði 1

Lengd (m)Breidd (m)

0 × 0 m = 0 m²

Er svæðið óreglulegt? Skiptu því niður í nokkra minni ferhyrninga og bættu þeim við.

Niðurstaða

Mælt grassvæði0 m²

Ráðlagt magn (+5%)0 m²

125 × 40 cm túnþökur0 stk.

Áætlaður fjöldi bretta0 bretti

Tilgangur verkefnis

Hvernig viltu fá þökurnar?

Sjálfgefið er 5% bætt við mælt flatarmál vegna skurðar og affalla. Hver 125 × 40 cm þaka er 0,5 m² – tvær þökur á fermetra. Blákorn NPK 12-15-17 er reiknað sem 20 g/m² og á aðeins við þökur sem lagðar eru í garði eða á grasflöt – ekki fyrir húsþök eða úthagatorf.

Fræðsla

Spurt og svarað

Algengustu spurningar um lagningu, undirbúning, vökvun og umönnun túnþakna.

Undirbúningurinn skiptir miklu máli. Jarðvegurinn þarf að vera vel unninn og yfirborðið jafnað áður en lagning hefst. Leggið þökurnar þétt saman og víxlið samskeytum þannig að fjögur horn mætist ekki á sama stað. Ekki teygja þökurnar til að fylla í bil heldur færið þær saman og skerið til þar sem þess þarf. Að lokinni lagningu skal vökva vel þannig að bæði þökurnar og jarðvegurinn undir þeim blotni.

Um okkur

Fjölskyldufyrirtæki með um 30 ára reynslu af túnþökuræktun

Við erum íslenskt fjölskyldufyrirtæki sem hefur ræktað túnþökur í yfir þrjá áratugi. Á þeim tíma höfum við þjónustað allt frá einstaklingum sem vilja fallegan heimilisgarð upp í golfvelli og önnur stór grassvæði þar sem miklar kröfur eru gerðar til grassins.

Reynslan hefur kennt okkur að sama lausnin hentar ekki öllum. Þess vegna ræktum við mismunandi gras eftir fyrirhugaðri notkun og bjóðum bæði handhæfar 0,5 m² túnþökur og stórar samfelldar þökurúllur.

~30 ár

í ræktun

Golfvellir

og stór svæði

Íslenskt

gras og mold